Алматы облысында жол апатынан 5 адам қаза тауып, екеуі жараланды

Апат Еңбекшіқазақ ауданында Алматы-Көкпек-Көктал тас жолының 112 -шақырымында болған. Аударылып кеткен «Ниссан» көлігі «ВАЗ-21063» автокөлігімен соғысты. Апат салдарынан екі жүргізуші мен «Ниссанда» отырған бір жолаушы оқиға орнында мерт болды. «Ниссанда» отырған тағы екі жолаушы, соның ішінде 2 жасар бала ауруханада көз жұмды. «Жигули» автокөлігінде отырған 7 жасар екі бала түрлі жарақаттармен ауруханаға жатқызылды.