Қытай Қазақстанда Жылу энергетикалық кешен құрылысын салу мүмкіндіктерін қарастыруда

Қытайдың мемлекеттік электр желілері корпорациясы - State Grid Corporation of China Қазақстан аумағында болашақта электр қуатын Қытайға экспорттау мақсатында еліміздегі көмір кеніштерінің негізінде Жылу энергетикалық кешен құрылысын салу мүмкіндіктерін қарастыруда. Бұл туралы KZ-today тілшісіне бүгін, 5-шілдеде Қытайдың мемлекеттік электр желілері корпорациясының бас директоры Лю Чжень мен KEGOC АҚ-ның президенті Қанат Бозымбаевтың келіссөздерінің қорытындысы бойынша KEGOC АҚ-ның баспасөз қызметінен хабарлады.

Кездесу барысында сонымен бірге Қазақстан мен Қытайдағы электр қуатын өндіру саласындағы реформаларға қатысты тәжірибе алмасу, сондай-ақ, электр қуатын жалғастыру және тарату саласындағы озық технологиялармен алмасу, Қазақстанда өндірілген электр қуатын ҚХР-ның шекаралық аймақтарына сату, Қытайдың мемлекеттік электр желілері корпорациясының жел күшімен жұмыс істейтін қондырғыларды пайдалану саласындағы тәжірибесімен бөлісу мәселелері қаралды.