«Біз қазір «Қазақстан Республикасындағы сайлау туралы» конституциялық заңға өзгерістер енгізу үшін үміткерлер, олардың сенімді тұлғалары мен аумақтық сайлау комиссияларынан ұсыныстар жинаудамыз»,- деді В.Фоос. «Алдағы президент сайлауынан жинақтаған тәжірибеге сәйкес біз заңға өзгерістер дайындау құзыретіне ие мекемеге өз ұсыныстарымызды беретін боламыз»,- деді комиссияның хатшысы.
В.Фоостың хабарлауынша, бірқатар ұсыныстар президенттіктен үміткерлердің атын ұсыну тәртіптеріне байланысты болмақ. «Кейінгі кездері президент сайлауы сынды 7 жылда бір мәрте ғана өткізілетін әрі ел тағдырында шешуші роль атқаратын аса жауапты науқан тұсында кейбір жағдайда үміткерлердің өз бетімен ат ұсыну шарасы шоуға айналып кететін түрі бар»,- деді Орталық сайлау комиссиясының хатшысы.
Ақпаратты пайдаланған жағдайда Kazakhstan Today ақпараттық агенттігіне сілтеме жасау міндетті
