Парламент Қазақстан-Ресей мемлекеттік шекарасы туралы келісімді бекітті

Бүгін, 23-қарашада сенаттың жалпы отырысында депутаттар "Қазақстан-Ресей мемлекеттік шекарасы туралы екі ел арасындағы келісімді бекіту туралы" заңды қабылдады,- деп хабарлайды KZ-today тілшісі.

Бұл заңды қабылдауды сенаттың 34 депутаты қолдап дауыс берді.

Қазақстан-Ресей мемлекеттік шекарасы туралы келісімге екі ел президенті 2005-жылдың 18-қаңтарында Мәскеуде қол қойды.
Қазақстан-Ресей мемлекеттік шекарасының жалпы ұзындығы 7591 шақырымды құрайды.
Заң президенттің қол қоюына ұсынылды.