Kazakhstan Today тілшісіне Әзербайжанның Есеп палатасынан хабарлағанындай, тексерулер 2006-жылдың қараша айында аяқталады деп күтілуде. Әзербайжанның Есеп палатасы Каспий теңізінің Әзербайжанға қарасты бөлігінде бекіре тұқымдас балықтарды сақтау және олардың санын арттыруға арнап бөлінген бюджет қаржысының негізділігін, шарттары мен көлемін; аталған қаржының мақсатты пайдаланылу жағдайын; бекіре тұқымдас балықтарды сақтау және олардың санын арттырумен шұғылданатын кәсіпорындар мен ұйымдардың билігіндегі мемлекеттік меншіктің пайдаланылу жағдайын; Каспий теңізінің Әзербайжанға қарасты бөлігінде бекіре тұқымдас балықтарды сақтау және олардың санын арттыруға бағытталған шаралардың тиімділігін; бекіре тұқымдас балықтарды қорғау саласындағы мемлекеттік бақылаудың тиімділігін анықтамақшы.
Әзербайжан, Қазақстан және Ресей елдерінің жоғарғы қаржылық бақылау органдары бір уақыттағы тексеру барысында өз өкілеттіліктері аясында ықпалдастық орнатуға, қажетті ақпараттармен алмасуға, үйлестіру мақсатында кеңестер өткізуге, сондай-ақ, тексерулердің қорытындысын талқылау үшін консультациялар өткізуге келісті.
