Бішкекте 400 грамм героинмен Жамбыл облысының тұрғыны ұсталды

БІШКЕК. 9-маусым. Kazakhstan Today. Бішкекте арнаулы операцияның нәтижесінде Қазақстанның Жамбыл облысының тұрғыны ұсталды, одан 400 грамм героин тәркіленді, деп хабарлайды Kazakhstan Today тілшісі Қырғызстанның есірткіге бақылау қою жөніндегі агенттігіне сілтеме жасап.

Агенттік ақпаратына сәйкес, тінту кезінде тұтқыннан ішінде ұнтақ заты бар бума табылды. Сараптама нәтижесінде оның героин екені анықталды.

44 жастағы жігіт бұдан бұрын да сотталған. Бұл дерек бойынша тергеу жүргізілуде.