Бан Ки мун өз сөзінде былай деді: “Солтүстік Кореяның ядролық бағдарламасы бүгінде Корея түбегіндегі қауіпсіздікке төніп отырған ең үлкен қауіптің бірі. Мәселені бейбіт жолмен шешуге бағытталған алты жақты келіссөздер былтырғы жылдың қыркүйек айында бірлескен мәлімдеме қабылдау арқылы біршама ілгерілеушілікке жеткен болатын”. Алайда, министрдің айтуынша, келіссөздер “өткен жылдың қараша айынан бастап тығырыққа тірелді”.
“Солтүстік Кореяның ядролық бағдарламасына келсек, біз тараптардың ешқайсысы да бұдан уақыт ұта алмайды, келіссөздерді жалғастыруды кешеуілдете беруден ешкім де ұтысқа жетпейді дегенге кәміл сенеміз”,- деді Бан Ки Мун.
