Мекеме ақпаратына сәйкес, 27-маусымда түс әлетінде Алматы-Өскемен тас жолының 296-шақырымында Ескелді ауданы маңында “ВАЗ-21099” автокөлігі “Мазда” көлігімен соқтығысып қалды. Жол апатынан “Жигули” автокөлігінің жүргізушісі мен оның жолаушысы оқиға орнында қаза тапса, тағы бір жолаушы ауруханада көз жұмды. “Мазда” автокөлігінің жүргізушісі мен 4 жолаушы, соның ішінде 5 жасар қыз түрлі жарақаттармен ауруханаға жеткізілді. Сонымен бірге “ВАЗ” автокөлігінде отырған үш жолаушы да ауруханаға жатқызылды.
Тағы бір ірі жол апаты Қызылорда облысында болды. Шымкент-Самара тас жолының 637-шақырымында “Мерседес” және “Ауди” автокөліктері соқтығысып қалған. Апат салдарынан “Ауди“ автокөлігінің жүргізушісі мен екі жолаушысы, сондай-ақ, “Мерседесте” отырған бір жолаушы оқиға орнында мерт болды. “Мерседес” автокөлігінің жүргізушісі мен төрт жолаушы ауруханаға жеткізілді.
