Алматыда жол апатынан алты адам жараланды

АСТАНА. 3-шілде. Kazakhstan Today. Алматыда жол апатынан алты адам жараланды. Бұл туралы Kazakhstan Today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Мекеме ақпаратына сәйкес, жол апаты 3-шілдеде Әл-Фараби және Водозаборная көшелерінің қиылысында болған. Түнгі 1 сағат 05 минутта «Тойота», «Тойота РАВ-4» және «Ниссан» автокөліктері соқтығысып қалды. Апат салдарынан үш автокөліктің жүргізушісі мен үш жолаушысы түрлі жарақаттармен ауруханаға жатқызылды.