Атап айтсақ, Түркістан қалалық орталық ауруханасында Орынғай ауылының тұрғыны қайтыс болды. 26-маусымда 45 жастағы әйел ауылдық дәрігерлер амбулаториясына ауырып келген. Ал 30-маусымда ол ауыр жағдайда қалалық ауруханаға жатқызылған жерден қайтыс болды. Оған “қырым-конго қанды безгегі” деген диагноз қойылды.
Сайрам аудандық ауруханасында да осындай диагнозбен Көмешбұлақ ауылының 44 жастағы тұрғыны қайтыс болды. Ер адам аудандық аурухананың жұқпалы аурулар бөліміне 28-шілдеде жатқызылып, ертеңінде көз жұмған.
Министрлік ақпаратына сәйкес, қазір екі ауру ошағында да науқастармен қарым-қатынаста болған адамдар анықталды. Олар дәрігердің бақылауына алынды. Жұқпалы дерттің таралуына жол бермеуге шаралар қолданылуда.
Ал бұған дейін қызылорда облысының Қараөзек ауылының 15 жастағы тұрғыны конго-қырым қанды безгегінен қаза тапқан болатын.
