Қарағанды облысында екі жұмысшы қаза тауып, біреуі жараланды

АСТАНА. 11-шілде. Kazakhstan Today. Қарағанды облысының Ақтоғай ауданында екі жұмысшы қаза тауып, біреуі жараланды. Бұл туралы Kazakhstan Today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Мекеме ақпаратына сәйкес, 10-шілдеде 20 сағат шамасында Тасарал ауылынан 15 шақырым жерде “Империя” ЖШС жұмысшылары қазаншұңқырды қазу барысында үш жұмысшыны тас басып қалған. Олардың екеуі жарақат салдарынан оқиға орнында жан тапсырды. 16 жастағы жігіт түрлі жарақаттармен ауруханаға жатқызылды.