«Алматы қаласында тамыз айында айрықша ыстық болмайды»,- деді «Қазгидромет» РМК-ның бас синоптигі Светлана Аманқұлова. «Ауаның айлық орташа температурасы Цельсий өлшемі бойынша 23 градус болмақ. Бұл — нормаға сай»,- деді ол.
Болжамға сәйкес, тамыздың алғашқы онкүндігінде сынап бағанасы түнде 15-20-дан 10-15, ал күндіз 30-35 градустан 23-28 градусқа дейін көтеріледі. Екінші онкүндікте ауаның температурасы түнде 15-20-дан 20-25 аралығында, күндіз 25-30-дан 30-35 градус болмақ. Ал үшінші онкүндікте сынап бағанасы түнде 15-20 пен 10-15 градус аралығында, ал күндіз 28-33 градусты көрсетеді. Осы онкүндіктің аяғында сынап бағанасы 22-27 градусқа дейін төмендейді.
«Қазгидромет» ақпаратына сәйкес, тамызда нормаға сай ылғал түседі. «Алғашқы онкүндіктің алғашқы жартысында, екінші онкүндіктің аяғында, үшінші онкүндіктің басы мен аяғында батыстан соққан жел 7-12 метрге дейін күшейіп, күн күркіреп, ұзаққа созылмайтын нөсерлер жауып, шаңды боран соғады»,- деді С.Аманқұлова.
