«Біздің болжамымызға сәйкес, 2008-2009-жылдарда нақты жалақының өсу қарқыны еңбек өнімділігінің өсу қарқынынан бәсеңдейді»,- деді М.Құсайынов. «Мемлекет басшысының жолдауында берілген тапсырмаларды жүзеге асыруға байланысты іске асырылып жатқан индустриялық-инновациялық даму стратегиясында еңбек өнімділігінің өсу қарқыны артады». «Нәтижесінде біз тиімді арақатынасқа келеміз»,- деді вице-министр.
Оның айтуынша, кейінгі кездері Қазақстанда «еңбек өнімділігінің өсу қарқынымен салыстырғанда жалақы өсімінің қарқыны оза арту ағымы байқалуда». 2005-жылы еңбек өнімділігің өсімі 9 процентті құраса, ал нақты жалақы 12 процентке өсті.
2006-жылы еңбек өнімділігің өсімі 8,1 процентті құраса, ал нақты жалақы 9,9 процентке өсті.
