Бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаевтың құлағдар еткеніндей, кездесуге Қазақстан, Қырғызстан, Тәжікстан және Өзбекстан мемлекет басшылары қатысады.
«Алдағы келіссөздер барысында аймақтағы көкейкесті мәселелер, Орталық Азиядағы көп жақты ынтымақтастықты нығайтуға бағытталған бірлескен шараларды дәйектеу жолдары талқыға салынады»,- деді дипломат.
«Саммитте талқыланады деп межеленген ең өзекті мәселенің бірі — аймақтағы су энергетикасы ресурстарын тиімді пайдалану проблемаларын шешу тетігі ретінде халықаралық су-энергетикалық консорциум құру жайы болмақ»,- деді СІМ өкілі.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
