Мәйітханадан мәйітті алған әрбір отбасы өз бетімен жерлеу рәсімін өткізеді. «МитталСтилТеміртау» АҚ көмір департаментінің кәсіпорындары жергеуге көмек көрсетпек.
«Arcelor-Mittal» компаниясының президенті Лакшми Миттал қаза тапқан кеншілердің туыстарына көңіл айтып жеделхат жолдады.
«Біз бұл қайғылы оқиғаға қайғырамыз және қаза тапқандардың отбасылары мен туыстарына көңіл айтамыз»,- делінген жеделхат мәтінінде. Л.Миттал жуырда Қазақстанға келіп, өзі тікелей көңіл айтатынын хабарлады.
«Біздің бірінші кезекті мақсатымыз — қаза тапқан кеншілердің отбасыларына қолдау мен көмек көрсету. Қаза тапқандар мен зардап шеккендерді отбасыларына материалдық көмек көрсетіледі»,- деді Л.Миттал.
«Біздің компания үшін жұмысшылардың қауіпсіздігі — басымдық, біз осынау қайғылы оқиғаның себептерін анықтау үшін мемлекеттік комиссиямен бірлесе жұмыс істейтін боламыз»,- делінген жеделхатта.
Бұдан бұрын да хабарлағанымыздай, Ленин атындағы шахтада метанның жарылысынан 41 кенші қаза тапты, тағы 6 адам қазір ауруханада жатыр.
Бүгін Қарағанды облысында қаралы күн.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
