Оның айтуынша, резерват басшылығы жаңа жыл қарсаңында қылқан жапырақты жас ағаштарды қорғауды күшейту туралы бұйрық берді. Бұйрыққа сәйкес 1-желтоқсаннан бастап резерват қызметкерлері тәулік бойы кезекшілікке шықты. Барлығы 45 мобильді топ жасақталды. 3-4 адамнан құралған топтар орманды массив арқылы өтетін негізгі жолдарды бойлай торуылға шықты. Әрбір топ УАЗ автокөлігімен жабдықталған.
Сонымен бірге жолдардың түйілістері мен орманнан шыға беріс жолдарда 20-дан астам бақылау бекеттері құрылған.
Ю.Дубовойдың айтуынша, биыл «Семей орманы» резерватынан шыршалар мен қарағайлар бөлшек саудаға шығарылмайды. Жаңа жылдық шыршалар орман шаруашылығы комитетінің рұқсатымен Шығыс Қазақстан облысы әкімшілігінің өтініші бойынша ғана мектептер, мектепке дейінгі мекемелер мен мәдениет үйлеріне бұқаралық мәдени шараларға арналып қана беріледі.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
