АСТАНА. 11-желтоқсан. Kazakhstan Today. Қазақстанның отын-энергетикалық саласы үшін Павлодар облысының Екібастұз қаласында техникалық және қызмет көрсетуші мамандарды дайындау және қайта дайындау жөніндегі аймақаралық кәсіптік орталық құрылады. Орталықты құру туралы үкімет қаулысына премьер-министр Даниал Ахметов қол қойды, деп хабарлайды Kazakhstan Today тілшісі үкіметтің баспасөз қызметіне сілтеме жасап.
Үкімет қаулысы бойынша осынау кәсіпорынды мемлекеттік басқару органы болып анықталған білім және ғылым министрлігіне орталықтың жарғысын бекіту, оның әділет органдарында тіркелуі және ғимарат құрылысымен байланысты мәселелерді шешу міндеттеліп отыр.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
