«АҚШ-тың Қазақстандағы елшілігі Қарасай ауданының билік басшылары Алматы төңірегіндегі «Общество сознания Кришны» халықаралық бірлестігіне қарсы басқыншылық науқанын одан әрі жалғастырып отырғандығына» елшінің алаңдап отырғандығын жария етті»,- деді Г. Бейсеева. Оның сөзіне сүйенсек, мәлімдемеде «Общество сознания Кришны» бірлестігіне қарсы бағытталған әрекеттің заңды негізіне алаңдаушылық танытылған. «Бұл істің негізінде не жатса да, үй иелерін қақаған аязда далада қалдыру мен олардың мүліктерін жою әділеттік принциптеріне қайшы келеді»- делінген деп СІМ қызметкері елшілік мәлімдемесінен үзінді келтірді.
Осыған байланысты ҚР-дағы АҚШ елшісіне СІМ тарапынан елшілік мәлімдемесінің орынсыз екендігі туралы хат жолданды.
