«Осы дерек бойынша қозғалған қылмыстық іс облыстық сотқа жолданды»,- деді Ә.Әділхан.
Оның айтуынша, тергеу оқиғаға басты себеп дәрігерлердің немқұрайдылығында деген тұжырымға келді. Соған сәйкес 21 адамға айып тағылды. Олардың кейбіреуіне немқұрайдылықпен бірге, бопсалау жолымен пара алу, алаяқтық, аса ірі көлемле мемлекет қаржысын ұрлау секілді айыптар тағылуда.
Қылмыстық жауапкершілікке тартылғандардың арасында облыстық денсаулық сақтау департаментінің, денсаулық сақтау министрлігінің медициналық қызметтің сапасын қадағалау комитетінің, сондай-ақ, облыстық және қалалық балалар ауруханасының лауазым иелері бар.
Бұдан бұрын да хабарлағанымыздай, 2006-жылдың аяғындағы жағдаймен Оңтүстік Қазақстан облысында ВИЧ індеті 84 бала мен олардың 12 анасынан анықталды. Індет жұқтырған 8 бала қайтыс болып, бір баланы асырап АҚШ-қа алып кеткен, тағы екі баланың отбасы облыс аумағынан тысқары жерде жүр.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
