С. Жұмановтың ақпараттарына сүйенсек, жол полициясының бөлімі 18-нен 20-шы қаңтар аралығында қалада республикалық маңызы бар «Қауіпсіз жол» атты жедел — алдын-алу шараларын жүргізген. «Осы күндері полицейлер жол қозғалысы ережелерін бұзуға қатысты 700 деректі анықтап, жолын кесті, атап атсақ 126 адам жылдамдық режимін бұзса, 60 жүргізуші көлікті мас күйінде жүргізген, 27-сі жүргізуші куәлігінсіз көлікті жүргізсе, 8 жүргізуші апаттық жағдай тудырғаны үшін жазаланған, ал 65 көлік ақылы айыппұл тұрағына қойылды»,- деді ол.
«Рейдтік іс-шара апат деңгейін тұрақтандыру және қала жолдарындағы жол қозғалысының қауіпсіздігін қамтамасыз ету мақсатында жүргізілді»,- деді С. Жұманов.
Жол полициясының мәліметтеріне сүйенсек, өткен аптада қала бойынша 1253 жол қозғалысының ережесін бұзу дерегі анықталған.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
