«Союз ТМА-10″ пилотты ғарыш кемесі бүгін таңертең Королев зауытынан теміржол көлігімен жеткізілді. Қазіргі уақытта кедендік рәсімдеу процедуралары жүргізіліп жатыр, рәсімдеу жұмыстары аяқталған кейін ғарыш аппараты мен қосымша құралдар тиелген вагон 254-ші алаңның монтаждау-сынақ корпусына әкелінеді, онда ғарыш аппараты контейнерлерден арнайы стендке түсіріледі»,-деп хабарлады баспасөз қызметінен.
Бір жарым ай ішінде, арнайы кестеге сәйкес, ғарыш айлағының мамандары «Союз ТМА-10» ғарыш кемесін ұшыруға дайындайды. Сонымен қатар, ғарыш айлағына ақпанның басында әкелінген «Союз-ФГ» зымыран-тасығышы 112-ші алаңының монтаждау-сынақ корпусында ұшыру дайындығынан өтеді.
«Союз-ФГ» зымыран-тасығышы «Союз ТМА-10» ғарыш кемесімен бірге құрамында ғарышкер Федор Юрчихин мен Олег Котов (Ресей), сонымен қатар ғарыш саяхатшысы Чарльз Шимони (АҚШ) бар 15-ші негізгі экипажды Халықаралық ғарыш станциясына алып ұшады, ұшырылым 2007 жылдың 9 сәуіріне жоспарланған.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті