Баспасөз қызметінің ақпараттарына сүйенсек, көші-қон заңының қолданылуын тексеру барысында Өзбекстанның 36 азаматын құрылыс жұмыстарына заңсыз тарту дерегі анықталған. «Заңсыз келген азаматтарына қалада спорт кешенін салып жатқан Қостанай облысының «Строй Стиль 1″ ЖШС — құрылыс фирмасы жұмысқа қабылдаған. Өзбекстаннан келген жұмысшылар қызмет көрсету шартының негізінде Көкшетаудағы № 1 кәсіби лицейдің жатақханасында тұрған»,- деп түсіндірді прокуратурадағылар.
Прокурорлық тексеру нәтижесі бойынша әкімшілік құқық бұзушылық туралы 3 іс қозғалған : «оқу мекемесінің директорына қатысты — Қазақстан Республикасының Әкімшілік құқық бұзушылықтар кодексінің 395-бабы бойынша (шетел азаматтарын тіркеуге шара қолданбағаны үшін), құрылыс фирмасының директорына қатысты — Қазақстан Республикасының Әкімшілік құқық бұзушылықтар кодексінің 396-бабы бойынша (шетелдік жұмыс күшін тартқаны үшін) және Өзбекстан азаматтарына қатысты — Қазақстан Республикасының Әкімшілік құқық бұзушылықтар кодексінің 394-бабы бойынша (Қазақстан Республикасына шетелдіктердің келу ережесін бұзғаны үшін)».
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті