Мекеме ақпаратына сәйкес, 15 қазанда Ақтөбе облысының Алға ауданында Алға қаласы мен Бесқоспа ауылы арасында 3 сағат 45 минутта 450 га аумақта өрт шыққан. Өрт 6 сағаттан кейін сөндірілді. Өрт сөндіруге ҚР ТЖМ-нің өрт сөндіру қызметінің 6 адамы мен 1 техникасы жұмылдырылды.
Баспасөз қызметінің ақпаратына сәйкес, сондай-ақ, 15 қазанда осы ауданда Петровка және Сазды ауылдары арасында, Ақтөбе қаласынан 25 шақырым жерде 17 сағат 23 минутта дала массиві өртенді. 16 қазан күні 6 сағаттағы жағдаймен ол 5 мың га аумақты шарпыды. Өртті сөндіруге 23 адам мен 3 техника жұмылдырылды.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті