Қаладағы қызметтер мен мекемелердің жетекшілерінің қатысуымен өткен шұғыл жиында ауылшаруашылығы жәрмеңкесінің алғашқы қорытындысы шығарылды.
Осы кеңесте қала әкімінің орынбасары Ермек Аманшаевтың хабарлағанындай, «ауылшаруашлыығы өнімдерінің жәрмеңкесі азық-түлік өнімдерінің бағасын тұрақтандыру үшін сатушылардың бағасына тікелей апта сайын өткізілуде».
Астанадағы бөлшек сауда желісімен салыстырғанда ауылшаруашылығы жәрмеңкесіндегі баға 30 — 50% төмен.
Осы орайда еске салсақ, 24 қазанда «Шапағат» базарының аумағында Ақмола облысының Целиноград ауданында өндірілген ауылшаруашылығы өнімдерінің бірінші жәрмеңкесі өткізілді.
Жәрмеңкеге Ақмола облысынан 30-дан астам кәсіпкер, соның ішінде «Ақмола-Феникс» ЖШС, «АФ «Родина» ЖШС, «Бірлік» ЖШС мен басқа да шаруа қожалықтары қатысты.
Сатылған өнімнің көлемі 6 млн теңгеге 24 тоннадан асты. Жәрмеңкеге 8 мыңнан астам адам келді.
Осындай жәрмеңкелер «Шапағат» коммуналдық базарының аумағында әрбір жексенбі сайын желтоқсан айына дейін өткізіліп тұрмақ.