«Расында да Ресейдің Федералдық көші-қон қызметі секілді дербес көші-қон құрылымын құру қажет шығар», — деді Ө. Шүкеев.
Өз кезегінде еліміздің экономика және бюджетті жоспарлау министрі Бақыт Сұлтанов мұндай құрылымды құру мүмкіндігі қаралатын болады.
«Қазақстан Республикасындағы әкімшілік реформалардың аясында ішкі және сыртқы көші-қон мәселелері бойынша біртұтас уәкілетті орган құру мәселесі қосымша дәйектелетін болады», — деді Б. Сұлтанов.
Оның айтуынша, мемлекеттік органдардың жұмысына жүргізілген талдауға сәйкес, «қазір ІІМ-нің құзыретінде тек шетелдік мигранттарды есепке алу-тіркеу және сырттан ағылатын заңсыз миграциямен күрес мәселелері ғана кіреді». Өз кезегінде «ҚР Еңбек және халықты әлеуметтік қорғау министрлігінің көші-қон комитеті негізінен оралмандар мен еңбек мигранттарының көші-қон процестерін реттеумен шұғылданады».
«Шетелдердің тәжірибесі көрсеткеніндей, ең тиімдісі — ішкі және сыртқы көші-қон ағындарын реттеумен біртұтас органның айналысуы. Мәселен, Ресейде ІІМ жүйесінде Федералдық көші-қон қызметі, АҚШ-та Миграция және натурализация қызметі бар», -деді экономика министрі.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті