«Прогресс М-62» жүк кораблін ұшыруға дайындық жұмыстары жоспарға сәйкес жүргізіліп жатыр. Өткен аптада «Энергия» РҒК мен «Байқоңыр» Федералдық ғарыш орталығының мамандары № 254 алаңының сынақ корпусында вакуумдық камерада ғарыш корабліне кешенді сынақ пен тексеру жүргізді. Оларды аяқтағаннан кейін «Прогресс М-62» жүк кораблі герметикалық тексеру жүргізу стендіне орнатылған болатын.
Стендте тексеру аяқталғаннан кейін «Прогресс М-62» жүк кораблі жанармаймен және сұйытылған газбен толтыру үшін жанармай құю станциясына жөнелтіледі. Ғарыш кемесін ұшыруға дайындаудың қорытынды сатысы оған экипаждарға арналған азық-түлік, су, Халықаралық ғарыш станциясының орбитасын ұстап тұру үшін жанармай, шығындалатын жүктер мен ғылыми құрылғылар тиеу болып табылады.
«Прогресс М-62» жүк транспорттық кемесін «Союз-У» зымыран тасымалдағышымен ұшыру 2007 жылдың 23-желтоқсанында астана уақыты бойынша 13.23 межеленген.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті