Астана қаласының темір жол бекетінде кеше Астана — Берлин халықаралық бағытындағы вагондардың салтанатты жөнелтілімі өтті.
Ұзақ уақыттан бергі үзілістен кейін (2004 жылдың желтоқсанынан бері) жолаушылар Берлинге дейін тура (басқа вагондарға ауысып отырмастан) баруға мүмкіндік балды. Астана — Киев бағытындағы № 107 поезіне тіркелген вагондар аптасына бір рет, Астанадан сейсенбі сайын, Берлиннен сенбі күні жүретін болады.
Қазақстан Темір Жолы өкілдерінің атап өтуінше, Астана мен Берлин арасында қатынайтын жолаушылар поезінің ұзақ уақыттан бері жүрмей қалуы жолаушылар вагоны еуропалық стандарттарға сай болуға тиіс деген Германияның темір жол талаптарымен түсіндіріледі. Бұл талап әсіресе вагон құрамдарының тежегіш жүйелеріне қатаң қойылған, сондай-ақ вагондар биодәретханалармен жабдықталуға тиіс болатын. Паркте мұндай жолаушылар вагоны болмағандықтан, үш вагонды модернизациялауға шешім қабылданған болатын.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті