Үкіметте атап көрсеткендей, шығындар қонақ үйге, байланысқа, қала ішіндегі көлікке (таксиді есептемегенде) және қорекке кеткен шығындарды қамтиды. Жаңа нормативтер күшіне 2008 жылдың 1-наурызында енеді.
Сонымен бірге, нормативке сәйкес, ТМД елдеріне іссапарға шыққан кездегі тәуліктік шығындар былай бекітілді: Ресей — 150 АҚШ доллары (Мәскеу мен Санкт-Петербург — 240 АҚШ доллары), Украина — 160 АҚШ доллары (Киев — 210 АҚШ доллары), Тәжікстан — 140 АҚШ доллары (Душанбе — 160 АҚШ доллары), Өзбекстан — 100 АҚШ доллары (Ташкент — 160 АҚШ доллары), Беларусь — 140 АҚШ доллары (Минск — 180 АҚШ доллары), Молдова — 110 АҚШ доллары (Кишинев — 150 АҚШ доллары), Қырғызстан — 130 АҚШ доллары (Бішкек — 160 АҚШ доллары), Грузия — 140 АҚШ доллары (Тбилиси — 155 АҚШ доллары), Түркіменстан — 95 АҚШ доллары (Ашхабад — 130 АҚШ доллары).
Ал Ұлыбританияға сапар шегіп жатса, тәулігіне 170 фунт (Лондонда — 190) стерлинг жұмсауына рұқсат. Австрия, Италия — 185 евро, Германия — 225 евро, Франция — 205 евро, Испания — 200 евро, Түркия — 150 евро (Анкара — 165 евро).
АҚШ-на іссапар кезінде тәуліктік іссапар шығындары 330$ (Нью-Йорк — 350$) теңестірілді. Аргентина — 195$, Бразилия — 225$, Канада — 190$, Мексика — 165$, Сауд Арабиясы — 165$, БАӘ — 235$, Иран — 160$, Қытай — 185$, Оңтүстік Корея — 245$.
Нормативке сәйкес, Конституциялық, Жоғарғы Сот төрағалары, вице-премьерлер, бас прокурор, омбудсмен, Есеп палатасының төрағасы, парламент депутаттары, Орталық сайлау комиссиясының төрағасы, сондай-ақ, өзге де басшы қызметтегі мемлекеттік қызметкерлер тәуліктік іссапар шығынына 50% үстемақы алатын болады. Ал мемлекеттік қызметкерлердің өзге тобы тәуліктік нормативке 25 — 30 % үстемақы алмақ.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті