Астана. 26 маусым. "Қазақстан Бүгін" - Есіл ауданының экология департаментінің лауазымды тұлғалары қоршаған ортаға келген шығынды экономикалық тұрғыдан әрқашан бағалай бермейді. Бұл туралы сәрсенбі күні Астана қалалық прокуратурасында өткен алқа отырысында мемлекеттік органдар қызметінің заңдылығын бақылау басқармасының бастығы Думан Қаржаспаев мәлім етті, деп хабарлайды "Қазақстан Бүгін" агенттігінің тілшісі.
«Жекелеген жағдайларда Есіл экология департаментінің лауазымды тұлғалары қоршаған ортаға залал келтіру оқиғасын анықтай отырып, оны экономикалық тұрғыдан бағалай бермейтіні анықталды. Нәтижесінде шығын қайтарылмайды. Бұл Экологиялық кодекстің талаптарына қайшы келеді», — деді Д. Қаржаспаев.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті