Халықаралық электр байланысы одағы ғаламдық күн райының өзгеруі проблемасын шешуге атсалысады

Алматы. 14 шілде. "Қазақстан Бүгін" - Халықаралық электр байланысы одағы ғаламдық күн райының өзгеруі проблемасын шешуге атсалысу үшін ақпараттық-коммуникациялық технологиялардың күн райы өзгерісіне әсер етуі жөніндегі жаңа топ құруға шешім қабылдады. Жаңа құрылымның жұмысы қоршаған ортаның аталған технологиялардан ластану деңгейін төмендетуге және өнеркәсіптің энергетика, көлік және құрылыс салаларындағы ауаға немесе қоршаған ортаға тасталатын қалдықтарды азайту проблемаларын зерттеуге бағытталады, деп хабарлайды агенттік тілшісі БҰҰ жаңалықтар орталығына сілтеме жасап.