М.-Х.Дулати атындағы Тараз мемлекеттік университетінде Америкадағы танымал мексика-американ ақыны, новеллашы Ана Кастийо ханыммен кездесу және шеберлік сабағы өтті.
Қонақ жастармен болған кездесуде өз өлеңдерін, әңгімелерін оқыды, жас жазушыларға кеңес берді.
Университеттің жастар комитетінің хабарлауынша, жақында АҚШ-тың Қазақстандағы Елшілігінен хат келген, онда американдық жазушының студент жастармен кездесуін ұйымдастыруда көрсетілген қолдау мен көмек үшін алғыс білдірілген.
Оған қоса, АҚШ Елшілігі ынтымақтастықты одан әрі жалғастыруға ниет білдірген.
Ана Кастийо Америкада қысқа әңгімелердің авторы ретінде танымал, оның оқырмандары өте көп. Жазушының туындылары әлемнің көптеген елдеріне аударылған. Қазіргі уақытта ол «Los Angeles Times» және «Salon» сияқты танымал басылымдар үшін мақалалар және әңгімелер жазады.