Қойсары Өтебайұлы 1855-1858 жылдары Ресей империясының отаршылдық саясатына қарсы ұлт-азаттық көтерілісіне қатысып, осы дүрбелең қозғалыста Есет батырдың серігіне айналған. Ел тағдырын өз тағдырынан биік қойған баба ұрпағы оның батырлығын, елжандылығын өскелең ұрпаққа дәріптеу мақсатында осыдан екі жыл бұрын батыр атына көше беру туралы мәселені көтерген болатын. Бұл ұсыныс қала әкімдігінен қолдау тауып, облыс орталығындағы көшелердің біріне батырдың атын беру туралы шешім шықты. Осылайша ұлтының тұтастығын, жерінің бүтіндігін мұрат еткен жаужүрек ұлының есімі қала көшелерінің бірін иемденді.
Басқосуда батыр есімін ұлықтаған ұрпағы орыстың отарлы саясатына қарсы тұрған қайсар тұлғаның ерліктерін тебірене еске алды.