Үстіміздегі жылы 19 ескерткішке қайта жөндеу жұмыстары жүргізілуде. Бұл туралы бүгін ҚР Мәдениет министрі Мұхтар Құл-Мұхаммед ҚР Парламенті Сенатының Әлеуметтік-мәдени даму жөніндегі комитет мүшелерімен ауылдардағы мәдениет нысандарын дамытудың заңдылығын қамтамасыз ету мәселелеріне арналған кездесуі барысында айтты.
«Олардың қатарында Қожа Ахмет Иасауи кесенесі, Шоқан Уәлихановтың әжесі Айғанымның үйі, Ақтырас және Баласағұн сарай кешендері, Түркістандағы Әбілмәмбет ханның резиденциясы, «Ескі Түркістан» аймағындағы Шахристан ортағасырлық қақпалары және басқалары бар», — деп атап өтті М.Құл-Мұхаммед.