Ұйымдастырылып отырған шараның мақсаты: өскелең ұрпақты Шәмші творчествасымен таныстыру, Шәмші әндерінің мәңгілік екендігін насихаттау.
Кеш барысында Шәмші Қалдаяқовтың дүниеге келгені туралы, неге Шәмші атанғаны туралы қысқаша көрініс көрсетіледі. Сондай-ақ Астана қаласы №2 өнер мектебі оқушыларының орындауында Шәмшінің «Отырардағы той», «Балдырған», «Ән аға» әндері, Кауменов Досанның орындауында «Ана туралы жыр», Сапа Қайыржанқызының орындауында «Арыс жағасында», Абитова Бибігүлдің орындауында «Ақ маңдайлым» әндері орындалса, Оспанов Ербол «Кешікпей келем деп ең», Тайжанов Азамат «Ақ бантик» әндерін орындайды.
«Шәмші — қазақ вальсінің патшасы» атты Шәмші Қалдаяқовтың өмірбаянына байланысты естеліктер, шығармалар жинағы жайлы кітап көрмесі ұйымдастырылады.
Бұл шараға Астана қаласы №2 өнер мектебінің оқушылары, ҚР Президенттік мәдениет орталығы қызметкерлері, қала қонақтары мен тұрғындары қатысады.