Бүгін облыстық «Шаңырақ» халық шығармашылығы орталығында талантты жерлестері, Александр Затаевич «қазақтың бір тума ақыны» деп атаған Иса Байзақовқа арналған аймақтық ақындар айтысы өтеді.
Келесі аптаның басында Павлодарда Иса Байзақовтың таңдамалы шығармалары мен Павлодар мемлекеттік университетінде басылып шығарылған ақын туралы естеліктердің үш томдығы жарық көреді. Университетте Иса Байзақовтың өмірі мен қызметі туралы арнайы веб-сайт ашылады.
Ақынның туған ауылы Үлгіліде ақындар айтысының ақтық сыны, Ертіс ауданы шығармашылық ұжымының концерті мен ұлттық спорт түрлері бойынша жарыстар ұйымдастырылады.
И.Байзақовтың мерейтойы қазанның 12-сі күні Павлодарда «Қазақтың дүлділі — Иса ақын» атты мерекелік кеш пен Қазақстан театрларының әнші актерларының республикалық байқауымен аяқталмақ.