Тартысты өткен сайыста бас жүлде мен «БҚО жастар қауымдастығы» ЗТБ кубогін Жәңгір хан атындағы Батыс Қазақстан аграрлық-техникалық университеті мен Батыс Қазақстан инженерлік-технологиялық университетінің құрама командасы «Назар аудар» иемденді. Жаңақаладан келген «Жаңа sity» командасы — бірінші, Орал қаласындағы №27 және №30 орта мектептері оқушыларынан құралған «Көрші апаның балалары» — екінші, Батыс Қазақстан медицина колледжінің «Соңғы аялдамасы» үшінші орынды еншіледі. Ал Зеленов ауданының «Томпақтар» командасының мүшесі Алмас Қоңыров үздік ойыншы атанса, Махамбет Өтемісұлы атындағы Батыс Қазақстан мемлекеттік университетінің «Намысы» «Үздік әзіл» аталымын жеңіп алды.