Сыр бойының өнерпаз өрені Италияда өткен ірі халықаралық конкурстан жүлдемен оралды

Қызылорда қаласындағы «Өнер» мектебінің түлегі скрипкашы Ақерке Нұрмағамбетова Италияда өткен классикалық музыканың «Giovani Talenti» атты халықаралық ХХV конкурсынан екінші орын алып оралды.

Конкурсқа әлемнің қырықтан астам елінен үміткерлер қатысты. Бұл байқауда Ақерке көне музыкалар — Фридрих Верочинидің сонатасы мен Шарль Берионың концертін орындады.