«Адасқан айқай», «Қашқындық» сияқты пьесалар мен романдардың авторы жиналған қауымға «Аманат» әдеби журналының жұмысы туралы баяндады. Журнал 1999 жылдан Семей қаласында шығарыла бастады, сол жерде Р.Сейсенбаевтың қатысуымен Абайдың халықаралық клубы ашылған болатын.
«Аманат» журналы арқылы біз оқырманды талантты авторлармен қауыштырамыз. Біздің міндетіміз — әдебиет пен өнерге келген жастардың дүниетанымын ашу», — дейді жазушы.
Облыс әкімінің орынбасары Әлия Ғалымова жазушыға жаңа шығармашылық жетістіктер, жаңа тақырыптар мен таланттар іздеуде сәттілік тіледі.
