Бұл туралы ҚазАқпаратқа елшіліктің баспасөз қызметінен хабарлады.
Аталған іс-шараға Испаниядағы қазақ диаспорасының өкілдері, Испанияның көптеген қалаларында оқып жатқан қазақстандық студенттер мен мұғалімдер, оған қоса елшілік қызметкерлері мен олардың отбасы мүшелері қатысты.
Қазақстан Республикасының елшісі Ерғали Бөлегенов өз сөзінде ақынның өмірбаянына, оның шығармаларына қысқаша тоқталып өтті. Жиналған қауым да М.Мақатаевтың көптеген өлеңдерін, поэмаларын мәнерлеп оқып берді, оның өлеңдеріне жазылған әндерді орындады. Ұлы ақынға арналған Қазақстанның басқа да ақындарының шығармаларынан үзінділер оқылды.
Сонымен бірге, шара шеңберінде қатысушылардың назарына М.Мақатаевқа арналған көрме ұйымдастырылып, бейнематериалдар көрсетілді.
