Үш күн бойы республикамыздың әр түпкірінен келген 11 ұжым Оңтүстік Қазақстан облыстық театрының сахнасында шығармашылық шеберліктерін паш етті.
Фестиваль қорытындысы бойынша ең үздік театр суретшісі болып Оңтүстік Қазақстан қуыршақ театрының өкілі Майра Дәуренбаева танылды. Ал Алматы қалалық драма театрының қызметкері Лейла Бекназар осы маусымының ең үздік әртісі болып танылды.
Әділқазылардың шешімімен ең үздік ер адам рөлі өзбек драма театрының (ОҚО) әртісі Рустам Сейдақожаевқа бұйырды. ОҚО орыс драма театырының көркемдік жетекшісі Игорь Вербицкий ең үздік режиссер атағына ие болды. Ал Қ.Қуанышбаев атындағы қазақ драма театры труппасының жұмысы ең үздік қойылым болып табылды.
