Министрдің сөзіне қарағанда, жыл сайын 380 мың ана және 700 мыңдай бала 5 түрлі жәрдемақы алады. 2015 жылғы 1 қаңтардан бастап жасына қарай төленетін мемлекеттік жәрдемақы көлемі 7 пайызға артады. Ал 2015 жылғы 1 шілдеден бастап мүмкіндігі шектеулі азаматтарға және асыраушысынан айырылған отбасыларға төленетін жәрдемақы көлемі 7 пайызға көбейіп, ол 630 мың адамды қамтиды. Осылайша аталған жәрдемақылардың жалпы өсімі 2013 жылмен салыстырғанда 50 пайызға жетеді.
«2017 жылғы 1 қаңтардан бастап төменгі күнкөріс деңгейі 2014 жылмен салыстырғанда 34 пайызға артады. Нәтижесінде базалық зейнетақы төлемдерінің көлемі 2016 жылмен салыстырғанда 17 пайызға өседі», — деді Т.Дүйсенова.