Сонымен бірге, төтенше жағдайлар министрінің бұйрығымен Қарағанды облыстық төтенше жағдайлар мен өнеркәсіптік қауіпсіздікті мемлекеттік қадағалау басқармасының бастығы Қайырбек Құйқабаев жұмыстан босатылды.
«Әрине, бұл әрекеттердің бәрі «Абай» шахтасында болған қайғылы оқиғаның түпкілікті қорытындысы болып табылмайтыны түсінікті», — деді вице-министр.
«Таяу уақыттарда құтқарушылардың жалақысын көтеру мәселесі оң шешімін табуы мүмкін, министрлік бұл мәселемен үкімет аясында айналысып жатыр. Бүгінде құтқарушылардың жалақысы еңбек өтілі мен класына қарай 30 — 50 мың теңгені құрайды», — деді В. Петров.
Вице-министрдің айтуынша, қазір төтенше жағдайларға қатысты барлық қызметтерді модернизациялау мәселесі дәйектелуде. Онда негізгі 12 бөлім бар, олардың арасында құтқару қызметтерін дамыту, жабдықтау, басқару тетіктерін жетілдіру шаралары, соның ішінде Қазақстанда құтқару орталықтарын құру мәселелері бар.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті