Аида Сарабаеваның мәйіті Астанаға жеткізілді
|
Түркияда жол апатынан көз жұмған 18 жастағы қазақстандық Аида Сарабаеваның мүрдесі елге жеткізілді, деп хабарлайды 24.kz. |
«Бүгін Аида Сарабаеваның денесі Астанаға жеткізілді. Аиданың әкесі әуежайда күтіп алды», - деп жазды өзінің Twitter-дегі микроблогында ҚР СІМ-нің ресми өкілі Алтай Әбибуллаев.
Естеріңізге сала кетейік, Түркияның Дэнизли қаласының маңында ТМД елдерінен барған саяхатшылар автобусы жол-көлік апатына ұшырайды. Соңғы мәліметтер бойынша 4 адам қайғылы оқиға құрбаны болды: 3 ресейлік және біздің отандасымыз - қарағандылық Аида Сарабаева. Апат қолайсыз ауа райынан және жылдамдықты жоғарылатудан болды деп болжануда. Сот шешімі шыққанға дейін автобус жүргізушісі қамауға алынды. Егер ол кінәлі деп танылса, бірнеше жылға сотталуы мүмкін.
Пікір қалдырыңыз
Пікір қалдыру тіркелген пайдаланушылар ғана мүмкін