«Yamato» тобының бұл Қазақстанға бірінші рет келуі. Соңғы 20 жыл ішінде әлемнің 51 мемлекетінде мыңдаған концерт берген топ біздің шенеуніктердің де ұсынысынан бас тартпаған. 1993 жылы құрылған ансамблдің негізгі аспабы мына тайкобарабандар - 13 ғасыр бұрын жасалған. Музыканттар алапат күшпен жапон мәдениетінің қайталанбас бояуын шоу ретінде көрсетеді. Әлемге танымал топ елімізге «Дегдар» гуманитарлық қоры мен JTI компаниясының қолдауымен келіп отыр.
Окубо Тетсуро, «Yamato» тобының мүшесі:
-Қазақстанға тағы келуге уәде етеміз. Бізге ұнады. Жапонияда қолайсыздық тудырмас үшін біз жерасты залдарында дайындаламыз. Өйткені, барабандардың үнін кейбір адамдар ұната бермейді. Егер байқасаңыздар, біздің құрамда қыздар көп. Бұл — жапон әйелдерінің мықтылығын байқатады.