Алматы облысында 34 көлік қар құрсауынан шығарылды

Алматы облысы Ескелді ауданы аумағында кеше, 7 ақпанда сағат 12.45-те «Талдықорған-Қапал» тас жолында іштерінде 81 адам, оның ішінде екі бала бар 34 жеңіл машина қар құрсауында қалған.

Құтқарушылар көліктерді тіркеп, қардан тазартылған учаскеге шығарды. Одан әрі машиналар өз бағыттарына қарай жүріп кетті. Зардап шеккендер жоқ, деп хабарлайды ҚР ТЖМ баспасөз қызметінен.