Жарияланды: 350

Алматы облысында ойынқұмар шетелдік өзін тонады деп жалған хабар берген

Алматы облысында ойынқұмар шетелдік өзін тонады деп жалған хабар берген

27 жастағы Түркия азаматы жалған шағым жасады деген күдікке ілінді.

Облыстық ІІД баспасөз қызметінен хабарлағандай, 12 қазанда ер адам Жамбыл аудандық ІІБ қарақшылық фактісі туралы шағымданып барған. Оның айтуынша, Қасымбек ауылының маңында екі белгісіз біреу оған шабуыл жасаған. Пышақпен қорқытып ақшасын, ұялы телефоны мен төлқұжатын тартып алған.  Жалпы залал 740 мың теңгеге бағаланды. 

Тергеу кезінде бұл деректің жалған екені анықталды. Шетелдік жұмыс берушінің 620 мың теңгесін төлеуден жалтару үшін қарақшылық туралы жалған мәлімдеме жасаған. Кейін белгілі болғандай, ол бұл соманы букмекерлік кеңселердің бірінде ұтылып қалған.  

Тергеу мерзімі біткенше шетелдік қамауда болады. 

Пікір қалдырыңыз

Пікір қалдыру тіркелген пайдаланушылар ғана мүмкін