Алматы облысында жол апатынан 4 адам қайтыс болып, бір адам ауруханаға түсті

Алматы облысының Көксу ауданында 13-қазан күні 01 сағат 30 минутта Алматы-Өскемен тас жолының 193-шақырымында "Фольксваген-Пассат" автокөлігі "ЗиЛ-130" жүк көлігімен соқтығысып қалды. Бұл туралы KZ-today тілшісіне ҚР төтенше жағдайлар жөніндегі Агенттігінің баспасөз қызметінен хабарлады.

Агенттік ақпаратына сәйкес, апат салдарынан «Фольксваген-Пассат» автокөлігінің жүргізушісі мен оның 1978, 1983, 1962-жылы туған үш жолаушысы оқиға орнында мерт болып, 1965-жылы туған тағы бір жолаушы орталық аудандық ауруханаға жатқызылды.