Алматыда Тілендиев көшесі мен Абай даңғылы қиылысында жеңіл көлік жолдағы металл қоршауға соғылып, аударылып түсті, деп хабарлады куәгерлер Sputnik Қазақстан агенттігіне.
Toyota Camry Абай даңғылымен батыс бағытта келе жатқан. Жүргізушінің сөзіне сүйенсек, Тілендиев көшесіне жетер-жетпесте бір көлік алдын кесіп кетіпті, ол сол жаққа қарап қалғанда, бордюрге шығып кеткен. Ақыры соңында Camry металл қоршауды құлатып, аударылып түсті. Жүргізуші жарақат алып, ауруханаға жатқызылған.