Жарияланды: 40

Алматыда эпидемиологиялық ахуал күрт нашарлады

Алматыда эпидемиологиялық ахуал күрт нашарлады

 

Алматының бас санитар дәрігері Қарлығаш Әдбіжаббарова өңірде коронавирусқа байланысты эпидемиологиялық ахуал күрт нашарлағанын мәлімдеді, деп хабарлайды Caravan.kz порталы Stan.kz ақпарат агенттігіне сілтеме жасап.

Әдбіжаббарованың айтуынша, бір апта ішінде қалада сырқаттанушылық 100 мың тұрғынға шаққанда 2,2 есе өсті.

"Эпидемияның тағы бір толқыны жаңа жылдық мерекелер мен қаңтардың басындағы оқиғалардан кейін басталды. Бұл қалада омикрон штамының таралуына байланысты болып отыр. Омикрон биыл 6 қаңтарда толық геномдық секвенирлеу нәтижесі бойынша расталады. Денсаулық сақтау министрлігінде 96 сынаманың ішінде 8 сынамада омикрон штамы анықталды, оның ішінде 7 сынама Алматы қаласынан шықты",  – деді Әдбіжаббарова.

Айтуынша, бұл сынамалардың ішінде дельта штамы – 71%, дельта + штамы – 16%, басқа штамдар – 4,7% анықталды.

Омикрон штамы өте жылдам жұғады, сондай-ақ қайта жұқтыру қаупі жоғары. Алматыда 20-30 жас аралығындағы азаматтардың жұқтырып жатқаны байқалады.

"Апта ішіндегі сыртқаттанушылық пен бұрын коронавирус жұқтырғандардың қайта ауыруы да күрт өсті", – дейді қаланың бас санитар дәрігері.

Коронавирус жұқтырғандардың арасында 20 жастан 40 жасқа дейінгі адамдар саны 16,4%-ке, жасөспірімдер арасында 1,1%-ке өсті.

Пікір қалдырыңыз

Пікір қалдыру тіркелген пайдаланушылар ғана мүмкін