Жарияланды: 20

Алматыда көшенің ортасында автокөлік өртеніп кетті

Алматыда көшенің ортасында автокөлік өртеніп кетті

Артынан өрт сөндіру көбігі ГПС-600 төгілді. Соның арқасында жарылыс болмады.

Алматыда көшеде жеңіл көлік отқа оранды, деп хабарлайды ҚазАқпарат.

Өртке куә болған адамдар әлеуметтік желіге төтенше жағдайдың суреттерін жариялай бастады.

Оқыс оқиға Райымбек –Тілендиев көшелерінің қиылысында болған.

«Өрт сөндірушілер оқиға орнына 6 минутта жетті. Олар келгенде «Рено Логан» көлігі өртеніп жатқан. Көліктен газ иісі шыққан. Көлік салонында газ баллоны құрылғысы бар болып шықты. Жарылыс қаупінің алдын алу үшін өрт сөндірушілер бірден газ құрылғысын салқындатуға кірісті. Артынан өрт сөндіру көбігі ГПС-600 төгілді. Соның арқасында жарылыс болмады. Кешкі 19:20-да өрт сөндірілді», - деді ТЖД.

Қалалық төтенше жағдайлар департаменті көлігіне газбен жүру құрылғысын салдырған жүргізушілерге арнайы мамандандырылған стансаларда жөндеу жасау керектігін ескертеді.

Пікір қалдырыңыз

Пікір қалдыру тіркелген пайдаланушылар ғана мүмкін